морници (само мн.)
Под брегот браздата со вода се тенчи, се исукува и како змија се крие низ камењата и лопушките, крај неа пиштат жегалци жедни на ридот се гледа забодена коса со сечилото свртено нагоре кое одвреме навреме одблеснува на сонцето како молња да прелетува и навира морници; чиниш: Архангел со мечот минува или се токми да мине.
„Свето проклето“
од Јован Стрезовски
(1978)
Морници од страв му го облеаја целото тело.
„Луман арамијата“
од Мето Јовановски
(1954)
Осеќам како ме лазат студени морници.
„Небеска Тимјановна“
од Петре М. Андреевски
(1988)
Ладни морници му минаа низ телото.
„Волшебното самарче“
од Ванчо Николески
(1967)
Преку луѓето од дружината минале морници.
„Тврдоглави“
од Славко Јаневски
(1990)
Од допирот на седефот и од самиот поглед на него му се тресеа забите и морници му минуваа по кожата.
„Црни овци“
од Катица Ќулавкова
(2012)
Под ниско обесените гранки, свртен на запад – зее мрачен отвор и самиот изглед на влезот буди морници.
„На пат со времето“
од Петре Наковски
(2010)
Ги изнајде и трпките преболености на сите болки во своето отпуштено тело; ги изнајде и сите истрпнати морници по својата кожа, а ја најде и таа лабава апсолутна отпуштеност во сите свои делови, во која не постоеше ни најмалечка желба за да се направи ниедно, ни најмалечко движење.
„Белата долина“
од Симон Дракул
(1962)
Стоиме така и ништо не веруваме. Само се гледаме и намовнуваме. Некои летни морници нѐ лазат и нѐ студенкаат.
„Пиреј“
од Петре М. Андреевски
(1983)
Нивниот глас не стасува сиот до ушите наши. А пак, ти крева морници.
„Пиреј“
од Петре М. Андреевски
(1983)
Вратата се отвори и воведоа уште еден човек од чиј изглед Винстон го полазаа морници.
„1984“
од Џорџ Орвел
(1998)
Морниците што ѝ минаа по телото од она што го чу ја натераа да рече: - Како да тропаше некој, - рече таа.
„Луман арамијата“
од Мето Јовановски
(1954)
Но сочуствителноста којашто ми е толку многу својствена чини морници да ми џуркаат по `рбетот во темето, поради грозомората во која се наоѓаат оние кои се останати надвор од црвените предели на животот.
„Балканска книга на умрените“
од Мето Јовановски
(1992)
Студени морници ме полазија.
„Папокот на светот“
од Венко Андоновски
(2000)
Оној вресок, сочуван во него, ги будеше крвавите морници дури и кога ќе се обидеше да се надвисне низ прозорецот на својата куќа, што беше само две метра над земјата.
„Белата долина“
од Симон Дракул
(1962)
На самата помисла те потресуваат морници и чувствуваш дека те облева студена пот.
„На пат со времето“
од Петре Наковски
(2010)
Сликарот го прочита писмото, повторно го полазаа морници и повторно се стресе.
„Захариј и други раскази“
од Михаил Ренџов
(2004)
Ме одмери со студен поглед од кое морници ми полазија по грбот и се изгуби зад тезгето.
„Улица“
од Славко Јаневски
(1951)
Планино од морници сета пак стежнува бессилно тишината.
„Посегање по чудесното“
од Србо Ивановски
(2008)
Писокот на југајците по дрвјата им навираше морници.
„Злодобро“
од Јован Стрезовски
(1990)
